影片
更多
2010-11-09
149 瀏覽
9月4日, 銅鑼灣新開咗間傷心酸辣粉! 久聞大名但卻只限於九龍區, 所以一直冇機會食… 呢間銅鑼灣分店開喺金百利其實地點有少少怪, 個feel同九龍嗰d有d唔同, 變咗高級茶餐廳格局. 但佢股香濃辣味依然係一入到去已經聞到~::: 傷心酸辣粉 ::: $18不得不食又係呢個出名嘅酸辣粉, 唔通食完真係會好傷心流眼淚? 雖然同樣叫咗小辣, 但係辣程度比口水雞多, 可能又好熱嘅關係, 一路食一路出汗~ 配料有花生、榨菜、肉碎~ 味道真係唔錯, 又香又夠辣, 不過紅薯粉略嫌唔夠煙韌~ $18一碗好抵, 不過下次要bb辣好喇…::: 走辣版雞絲涼拌麵 + 皇牌口水雞 + 凍奶茶 ::: $43 + $2呀菲唔食辣, 所以叫咗呢個走辣版嘅雞絲涼拌麵! 份量都唔少~ 除咗主角雞絲之外, 仲有d芽菜、花生、蔥粒, 再加上麻油醬調味. 麵條有少許鹼水味, 因為涼伴所以麵身較硬, 有嚼勁! 雞絲唔係嫩滑嗰d, 但又唔怕韌, 不過肉味就一般~ 成個麵好靠d醬汁同配料吊味~ 勝在樣樣野食落都夠香口~ 係唔食辣嘅好選擇!口水雞一路以嚟都係最想食嘅菜色, 叫咗小辣, 但係辣味都唔少~ 雞肉好嫩滑, 雞皮唔太肥,
::: 傷心酸辣粉 ::: $18
不得不食又係呢個出名嘅酸辣粉, 唔通食完真係會好傷心流眼淚? 雖然同樣叫咗小辣, 但係辣程度比口水雞多, 可能又好熱嘅關係, 一路食一路出汗~ 配料有花生、榨菜、肉碎~ 味道真係唔錯, 又香又夠辣, 不過紅薯粉略嫌唔夠煙韌~ $18一碗好抵, 不過下次要bb辣好喇…
::: 走辣版雞絲涼拌麵 + 皇牌口水雞 + 凍奶茶 ::: $43 + $2
呀菲唔食辣, 所以叫咗呢個走辣版嘅雞絲涼拌麵! 份量都唔少~ 除咗主角雞絲之外, 仲有d芽菜、花生、蔥粒, 再加上麻油醬調味. 麵條有少許鹼水味, 因為涼伴所以麵身較硬, 有嚼勁! 雞絲唔係嫩滑嗰d, 但又唔怕韌, 不過肉味就一般~ 成個麵好靠d醬汁同配料吊味~ 勝在樣樣野食落都夠香口~ 係唔食辣嘅好選擇!
口水雞一路以嚟都係最想食嘅菜色, 叫咗小辣, 但係辣味都唔少~ 雞肉好嫩滑, 雞皮唔太肥, 好味~ 雪凍咗, 作為小食好開胃~
可能食嘅野都係辣, 凍奶茶解辣係好, 但係變得冇乜味, 淡咗d…
雖然有高級茶餐廳格局, 但係樓面呀姐d服務就繼續好似旺角嗰d地舖咁, 麻麻地… 第一次食四川酸辣粉, 辣度果真唔係小野~
張貼
