嘉樂冰廳 (新村街)

營業中

休息中

冰廳位於街市中，毗鄰是肉檔，無論向左或右排都會阻住隔離生意，但仍然每次經過都超多人排隊。終於今次星期五下午茶時間只排三個位！通常要排隊的都令人很大期望，又更易失望，幸運地我們今次是滿足地埋單的。限聚令的關係每枱只有兩人，可以想像正常時期有幾迫(都要迫入嚟)。看到幾乎每枱都選了咸牛肉蛋和奄列，似乎聞名的是蛋。我選了咸牛肉蛋三文治。三文治好厚，應該不只一隻蛋，蛋可以有幾好食呢？佢好滑，同咸牛肉好夾，食完之後應該好晏先食得落晚飯，但因為好味，我忍唔住自己食晒，食完成件三文治有少少咸，飲杯凍鴛鴦就啱啱好了。本來我笑他選這麼普通的西多士，但他說外脆內軟，好味！可能因為蛋漿做得好吧。下次如果不太多人，我們還會再來的，想試雞翼和奄列。