影片
更多
2014-07-08
2562 瀏覽
好又一餐... 唔好又一餐...都唔知道是誰發明上面這句說話。不用付錢還勉強說得過去，但在百物騰貴的香港地，實情係好又一餐，唔好就蝕到入肉。中伏，唔係憑阿 Q 精神，就可以一個深呼吸就唔記得晒。話說之前已評過這兒的黑面服務。這天，三個同事圍埋傾 Lunch 食乜好。有同事提議去佳美。好，不妨給一次機會，就試試會不會改觀。今次午餐，依然見到黑面小姐，不過她沒份招呼我們。換了一名男服務員，都算勤快有禮。午餐跟餐湯、餐包、飲品。主菜以沙律、西式為主，亦有東南亞食品。 餐湯可以選擇「Dry Dry」羅宋湯，或「無味」甘荀忌廉湯。Dry 者，一味得個酸字，單調也；飲完舌頭 Dry 得很，乾涸也。故私下命名為 Dry Dry。至於同事的忌廉湯，被她評為「無味」，簡潔到位。 叮叮芝麻包有點乾身，不祈求「溫、柔、香」，但至少有加熱過才拿出來，以西式快餐來計還過得去。 登登登鄧！三道主菜先後送到，速度十分之快。第一名是同事Ｌ的「螢光雞扒」，即係扒美國珍寶雞扒配鮮橙香檳汁意粉。雞扒不大，看那全沒煎焦痕跡的雞皮，以及那螢光橙的汁，我就沒有食慾。一問之下，Ｌ的回答是：「不好食。」詳細，不問了。而我的「黑牛」亦
都唔知道是誰發明上面這句說話。不用付錢還勉強說得過去，但在百物騰貴的香港地，實情係好又一餐，唔好就蝕到入肉。中伏，唔係憑阿 Q 精神，就可以一個深呼吸就唔記得晒。
話說之前已評過這兒的黑面服務。這天，三個同事圍埋傾 Lunch 食乜好。有同事提議去佳美。好，不妨給一次機會，就試試會不會改觀。
今次午餐，依然見到黑面小姐，不過她沒份招呼我們。換了一名男服務員，都算勤快有禮。午餐跟餐湯、餐包、飲品。主菜以沙律、西式為主，亦有東南亞食品。
餐湯可以選擇「Dry Dry」羅宋湯，或「無味」甘荀忌廉湯。Dry 者，一味得個酸字，單調也；飲完舌頭 Dry 得很，乾涸也。故私下命名為 Dry Dry。至於同事的忌廉湯，被她評為「無味」，簡潔到位。
叮叮芝麻包有點乾身，不祈求「溫、柔、香」，但至少有加熱過才拿出來，以西式快餐來計還過得去。
登登登鄧！三道主菜先後送到，速度十分之快。
第一名是同事Ｌ的「螢光雞扒」，即係扒美國珍寶雞扒配鮮橙香檳汁意粉。雞扒不大，看那全沒煎焦痕跡的雞皮，以及那螢光橙的汁，我就沒有食慾。一問之下，Ｌ的回答是：「不好食。」詳細，不問了。
而我的「黑牛」亦不惶多讓。黑到分不到骨和肉的牛仔骨，筋多沒有肉味，全仗黑椒汁救命。黑椒汁可謂全碟最好食，夠濃有勁，但所謂不怕神一般的對手 ...
苦味的雜菜，令人想起吳亮星。至於大虎蝦，我想起周星馳起《唐伯虎》裡面有個「鮮花須有綠葉襯托」理論，識得咁諗，隻蝦雖然唔好食但都算過得去喎。
順帶一提，這碟主菜叫香煎大虎蝦拼美國牛仔骨配黑椒汁。
最後上檯的是同事Ｉ的香煎美國帶子南瓜粒松子仁意大利飯。
本來唔打算影同事的主菜，但這客意大利飯一出現，我真係忍唔著影。因為水汪汪的質感同看起來軟乃乃的飯粒，我就暗地裡幫同事祈禱。只見同事食試左一啖，即刻加調味料（恕我抱著花生心態，冇留意佢加左咩）。
我問佢：「做咩事？」
同事Ｉ說：「無味嘅...」
我幸災樂禍：「其實我第一眼就覺得佢似賽磅蟹多過意大利飯 ...」
不過災情比我想像中嚴重。
同事攪兩攪，試多啖，即刻舉手搵侍應：「可唔可以比支美極我？」
呢一刻，請原諒我少見多怪 O 左咀。見鬼了！食意大利飯食到加美極，同我老友食牛扒加半樽茄汁一樣震撼。只見佢像仙女散花般滲滲滲，睇著面前碟「白無常」慢慢變成「黑無常」，我唔知比咩反應。而煎帶子得兩片。
去到飯後餐飲，循例報告返我地叫左熱奶茶、凍奶茶，同一杯唔記得係咩。我唔敢問同事好唔好飲。相比起食物，我杯凍奶茶中規中矩，唔算太差。
埋單一百仲要比多幾蚊，我點講得出「好又一餐，唔好又一餐...」呢種咁天真的說話？其實我地要求都唔係好高 ...
題外話/補充資料：
By Simon
(以上食評乃用戶個人意見 , 並不代表OpenRice之觀點。)
張貼
