碧士文 (Sugar+) (已結業)

呢間餐廳位於銅鑼灣鬧市，非常近地鐵站，很方便。餐廳嘅裝修都好靚好特別，好有中古復古嘅味道。店面係用西裝模特兒做裝修，餐廳外面望入嚟，以為係買西裝嘅復古店舖，但原來內裏係一間餐廳。在餐廳入邊，有很多手槍，刀，等等嘅復古物品。食物都不是很貴，價錢10分抵食，喺銅鑼灣鬧市，呢個價錢係非常抵食。食物嘅選擇都有，有飯，有漢堡包，又有小食。呢個係溫泉蛋豬扒，豬扒很滑，入口即溶，食得出係新鮮嘅豬扒肉質，配上入口即溶嘅溫泉蛋，非常之美味。呢個豬肉丸非常值得推介，外脆內軟，非常可口，好似食緊章魚燒咁。呢個避風塘豬扒都好值得推介，揸得非常香口，蒜蓉都好香，豬扒肉質非常彈牙可口。手指炸豬扒薯條，非常特別，味道都好好食，都值得一試。呢度有烏龍茶飲，非常解渴。窗口位，好有感覺。