亞萊嘜嘜 (已結業)

放工後難得和好友吃晚飯敘下舊，有見這裏開張了一段日子，心思思想來這裏品嚐一下泰國美食。入到去，隨帶位員走過九曲十三彎，行到最後最入的二人枱，店外一直下着雨，幸好可在貼牆位置放雨傘。四周都是食客，座無虚座，但很安靜。由於坐的位置有點入，侍應很少機會走入來，所以點菜有點難，因為無人睇到我地舉手……講返食物…… 一人點一碟，然後交換食。無骨豬手飯 - 一個字…… 正！味道剛剛好，不鹹不淡，合晒我胃口，豬手嫩滑，口感佳。半隻雞蛋加上伴菜加上酸汁…… 真係正！濕炒海鮮河粉 - 又係一個字…… 正！非常足料，好大碟，除了海鮮外還有西蘭花和芥蘭，清清地又不淡口，一邊食一邊讚！一邊食一邊傾，傾到差不多店子關門前結帳…… 又一個愉快的晚上。