Marks & Spencer - 食品部 (已搬遷) 新店位置

同相熟食友嘅聚會，除咗可以聚一聚一齊「犯罪」之外，周不時都收到佢哋醒我嘅小食禮物，今趟又收到一小包出自馬莎嘅迷你朱古力碎碎曲奇（Mini Choc Chip Cookie） 。因為曲奇一般嚟講都墜手啲，所以，雖然每包100g，但唔覺唔覺好容易一鋪過清晒。每粒曲奇混有唔少朱古力碎粒，從包裝顯示，朱古力粒喺27%嘅黑朱古力，味道唔會超濃，但亦嚐到點點甘苦味。至於粒粒迷你尺寸，一啖一粒，唔會食到周圍餅碎，不過，口感一般，唔多夠鬆脆，似美式曲奇多啲 ！本來都打算當下午茶咁一次過晒，不過，小弟都算食得甜，但食咗大半都覺得有「漏」，所以，留咗小半包明天待續。