影片
更多
2017-06-04
1066 瀏覽
其實，之前去荔枝角廠廈嘅Pati by Lassana食晏時，已留意到門外旁有家小餅店，名字叫「 Deluxe Bakery」。多謝好友送上一盒該店嘅蝴蝶酥，讓小弟有機會品嚐其出品。亦趁星期六晏晝有閒餘時間，順道過嚟走訪一下。店家屬小店經營，因為鋪內地方唔大，不過，麻雀雖小，卻五臟俱全，佢哋有非常多出品。單喺門面嘅凍櫃，就見到唔少瑞士卷、特色凍餅、個裝蛋糕，而且，定價唔貴。走入鋪內打個轉，仲見到有麵包、鬆餅、蛋糕、曲奇、法式蛋白餅……等等。有不少產品我覺得喺驚喜價，例如法式蛋白餅，只喺賣$20盒，粉綠、粉紫嘅小包裝盒，設計精簡而有氣質。蛋白餅喺頗甜嘅一種法式甜點，未必人人都啱食，曲奇就較大路喇！一系列紙袋裝單口味曲奇，小弟覺得非常抵，又喺另一驚喜價嘅產品，優惠價只賣$28，共有8款口味。朱古力腰果曲奇 $28睇外觀已見到堅唔少腰果碎，所以，非常有口感，而曲奇底烘得幾脆身，朱古力味亦頗香濃，做得不俗，睇埋背後標籤，無防腐，無添加，食起嚟都安心啲啦。每包淨重150克，好墜手，抵食。想一次過試多啲口味，就梗喺揀盒裝嘅雜錦曲奇啦，現場所見，有6款口味嘅圓盒裝（$145），重量有幾多就不得而知，
店家屬小店經營，因為鋪內地方唔大，不過，麻雀雖小，卻五臟俱全，佢哋有非常多出品。單喺門面嘅凍櫃，就見到唔少瑞士卷、特色凍餅、個裝蛋糕，而且，定價唔貴。
走入鋪內打個轉，仲見到有麵包、鬆餅、蛋糕、曲奇、法式蛋白餅……等等。
有不少產品我覺得喺驚喜價，例如法式蛋白餅，只喺賣$20盒，粉綠、粉紫嘅小包裝盒，設計精簡而有氣質。
蛋白餅喺頗甜嘅一種法式甜點，未必人人都啱食，曲奇就較大路喇！一系列紙袋裝單口味曲奇，小弟覺得非常抵，又喺另一驚喜價嘅產品，優惠價只賣$28，共有8款口味。
朱古力腰果曲奇 $28睇外觀已見到堅唔少腰果碎，所以，非常有口感，而曲奇底烘得幾脆身，朱古力味亦頗香濃，做得不俗，睇埋背後標籤，無防腐，無添加，食起嚟都安心啲啦。每包淨重150克，好墜手，抵食。
想一次過試多啲口味，就梗喺揀盒裝嘅雜錦曲奇啦，現場所見，有6款口味嘅圓盒裝（$145），重量有幾多就不得而知，但睇個盒嘅呎吋就估計唔少。
Oreo芝士撻 $22上面都講過，佢哋啲凍餅定價唔貴，一系列嘅芝士撻每款都喺賣$22，大概有6款左右。顧名思意，就知餡心喺奧利奧餅碎配忌廉芝士，加上粉紅嘅白朱古力片及蛋白餅做裝飾，而由下而上喺朱古力撻殼、朱古力海綿蛋糕、吉士、奧利奧芝士餡，所以，落足料亦落足心機做。整體味道喺偏向重味，芝士味亦好濃郁，口感實在，唔錯。
蝴蝶酥 $98同樣有分大罐細罐，圓盒細罐賣$98），長盒大罐賣$148，所送贈嘅喺細罐，數就無數過，但罐底標籤列明共有44塊，棗紅色嘅包裝，有點典雅色彩。
相比起以前食過嘅蝴蝶酥，佢哋嘅出品就比較細片少少，不過，同樣焗得金黃，外型工整如蝴蝶，無話散開兩邊，片片均一，入口酥脆，但就相對無咁甜及感覺少膩。
下次再路經嘅話，買啲曲奇送番俾朋友，以作回禮都好！
題外話/補充資料：
因為喺朋友送贈，所以，幾個細項評分（環境、服務、衛生、抵食）嘅參考值唔大。
(以上食評乃用戶個人意見 , 並不代表OpenRice之觀點。)
張貼
