Catio

營業中

休息中

同朋友都好中意貓，不過自己冇得養，就唯有去貓貓cafe玩下啦。今次去左呢間銅鑼灣嘅Catio😍一入到Cafe, 發現真係好多貓，但係完全唔會有異味，同埋四圍都好乾淨。呢度d貓貓睇落唔驚人，而且有d貓貓會坐左喺座位上面添🥰真係完全忍唔住摸佢地呀，好彩佢地都完全唔抗拒比人摸😳真係好可愛。食物方面，我地揀左牛肉漢堡配薯條同埋肉醬意粉配沙律。牛肉漢堡扒都幾大塊同埋好厚肉。唔會太多醬料同埋唔會好咸。配埋d菜，食落感覺上都幾健康。而肉醬意粉睇到用左一粒粒嘅蕃茄肉，而唔係淨係得茄醬架。所以食落有清新嘅蕃茄味，唔會太濃味。飲品方面，叫左杯熱嘅榛子味咖啡，好好味呀，而且有貓貓公仔嘅杯同碟。可以用黎影下靚相☺️凍飲揀左玫瑰伯爵奶茶，味道唔會太濃，飲落幾舒服同解渴。