查理布朗咖啡專門店 (已結業)

今日同兩個女仔同事放工,時間都算早想,係尖沙咀想傾個地方食下野傾下計,有少少難度,但平時成日經過都有經過依間Café,不過真係咁耐都未食過,決定入去試下佢喇, 環境都算唔錯嫁,幾靚,比較童話feel少少,依到既模式係先係櫃位叫野食比左錢先,之後再慢慢等等店員送黎比你食。我們地就只係叫左依個迷你漢堡，飲品我自己就揀左依個芒果菲巴冰咁佢個迷你漢堡就有兩個，有個同事只係飲野就岩岩好喇,另外就仲有薯角，加埋少少既沙律菜,唔錯嫁都,漢堡包都算幾靚，細細個賣相都算吸引既。漢堡個肉味係估唔到咁濃，諗住café既野食只係普通,但估唔到肉汁有咁多，中間仲有青瓜蕃茄,真係十分新鮮。薯角都唔錯,唔會太油,食落唔覺太熱氣,不過如果有多d沙律菜就真係正喇,因為依家用比較多。至於芒果菲巴冰,唔係太芒果味,又飲唔出佢似咩,不過勝在夠凍。