一樂日本料理 (已結業)

近排中意咗食放題，因為又多野食選擇，食物水準都算可以接受。今次我就同朋友黎到尖沙咀另一間聽聞食物種類幾多下嘅放題😺😺😺呢間放題宵夜時段有折，我就梗係一於餓定個肚，等到宵夜時段，食餐勁嘅。呢間放題比起其他嘅算係好闊落，有d仲係圓檯添，坐落好舒服。野飲方面，可以話係應有盡有，仲有埋鮮榨橙汁，岩曬我食到好滯個陣，飲啖橙汁解解膩。😍😍😍講翻野食方面，呢到嘅食物種類認真多，中式，日式，台式，泰式都有。😍😍😍食放題首先就梗係刺身先啦，因為我有小小唔舒服，就唔食咁多生野喇，order嘅刺身唔多，整體不過不失啦，都算幾新鮮，解凍得都幾好，已經無乜雪味，我自己就最中意食甜蝦，好鮮甜，一口氣食左成十幾隻，過曬癮。☺️跟住就係壽司同手卷喇。壽司以放題黎講都算唔錯噶喇，飯唔會話太實，凍冰冰，食材都幾精緻，例如帶子上面鋪小小黑松露醬，味道又特別又好味。手卷就食到平時唔多係放題店見到嘅鵝肝手卷，鵝肝煎得好好，外面有小小焦，裡面就完全係軟糯的，滲出來嘅鵝肝油好甘香，連埋壽司飯一起食，真係無得輸。😍熟食方面，比較特別係個胡椒蝦，辣辣地，好野味，岩曬我。😘😘個蒜香牛柳粒都好岩我胃口，同樣都係有小小辣，但個蒜香味好濃，牛柳