秋田浜燒食堂

營業中

休息中

今日同朋友興致勃勃係尖沙咀happy hour後去咗附近搵居酒屋食，決定食呢間bookmark 咗好耐、位於天文臺道既浜燒😋。餐廳用咗日式布褂、大漁網、紙燈籠等嚟做裝飾，充滿日式風情🎏🎎🏮。二人前套餐有分兩款，主要分別係燒物熟食同剌身拼盤，既然呢度出名刺身就緊係要試下小樽漁港啦！點菜後侍應突然送上一盤鮮蝦，一手任摘，摘到後隨即幫我們整做赤蝦刺身。蝦肉口感非常鮮甜爽口，絕不欺場。待應擺個爐喺我哋隔離即場活燒南非鮑魚，鮑魚咬非常香口彈牙，裙邊位亦都有少少香脆燶邊，加少少鹽已經好夠味。特別值得一提嘅係呢個製作需時既蟹味噌甲羅燒！由蟹味噌、蟹子、蟹膏、仲有滿滿既蟹肉而製成既一道菜式，夾埋經過牛油烤焗嘅多士一齊食，口感非常豐富。😋😋👍🏽👍🏽絕對係一試難忘。非常鍾意食蟹肉既我，主熟食我亦都揀咗先蟹肉明太子蛋黃醬配冷烏冬。廚師製作非常用心，烏冬非常彈口也不會過硬，我見廚師在過冷河嘅過程中亦都非常仔細用心，煮食再配上不同嘅配料同埋明太子及蛋黃醬，食完剛剛好亦不會太膩，很滿足。