會長之家烤肉

營業中

休息中

好耐都冇去韓國，前晚直情夢見釜飯！真係笑死，所以今日sunday就打算搵間係香港都有賣釜飯嘅餐廳食，點知比我搵到長沙灣有一間好出名，於是即刻過來是lunch。果然冇失望，呢到冇改錯名，裝修都有d似去左會長屋企，豪華得來都冇話太離地，服務員態度都好好。呢到釜飯套餐會包埋湯同埋3款韓式banchan同一個中華沙律，其實都好多選擇。我地今次要左蟹膏蟹肉石窩釜飯同特級牛頸脊石窩釜飯。蟹膏蟹肉石窩釜飯真係見到個樣已經覺得好吸引，成個蟹蓋喺度，加埋有一盤蟹膏俾你撈飯，真係好開胃，好香濃！牛頸脊其實都好有驚喜，因為好濃牛肉味，而且一啲都唔鞋。兩個股份都俾埋牛油我哋，搞到個飯更加creamy，更加飽滿。