御前大江戶日式料理 (已結業)

當你年紀去到咁上下，就會食厭咗普通嘅放題，今次黎到觀塘呢間，除咗普通嘅放題之外，佢仲有埋磯燒，食得仲有得玩添。而佢地嘅埸地比想像中大，唔會話好旺角嘅放題餐廳咁迫，而且裝修都幾新淨，佈置到個環境好有日本風味，而且職員嘅服務都幾藉得一提，幫你燒之餘，佢地換碟嘅速度都好快添。一開始就會送上一盤海鮮拼盤，鮑魚、蟹鉗、生蠔、扇貝、蟹膏蟹肉、大蝦等等(呢一輪係冇得免費refill嘅)。不過你都唔洗擔心唔識燒，啲職員都會好主動咁幫你手，幫你剪走啲垃圾，時不時幫你睇吓火。佢哋嘅調味料都幾多，除咗海鹽之外，仲會有清酒，幫你避走啲腥味。而食材都幾大份同新鮮，基本上唔會食到任何臭腥味。