影片
更多
2011-05-11
18 瀏覽
以前一聽見大角咀，就會覺得大角咀大舊樓、工廠、一D舊式船廠，環境唔多OK。不過而家又唔同咁講囉，宜家大角咀勁多食肆，有D 店成日係OPENRICE 榜上有名 ~ 今次寫食評講下香港樓係因為這間舖處於攪笑地帶，話說這間舖的大廈開售的時候，路過此地聽到D AGENT 打電話SELL 大陸客， 同佢地講呢度鄰近港鐵奧運站，去中環呀、IFC 話都冇咁快到喎，重話高層單位能俯瞰維港夜色? 實情係個VIEW 俾前面D大廈擋晒啦，話鄰近港鐵奧運站? 鄰近九龍大酒店至真 ! 聽到D AGENT 咁樣SELL 樓，真係覺得勁攪笑囉…OK，唔講樓，寫番食評，雖然呢間舖位置都幾隔涉，但都無損我尋找美食的興趣，普遍其他人對呢間店的食評食得都幾好，我都覺得唔錯喎，係可以食完再黎的三文治店。店內環境好，有免費WIFI，光線充足開揚，與隔離枱的空間充足，唔會有擠逼的感覺，場內乾整，洗手間清潔。唯一不足的是我覺得涼氣唔多夠涼，有D 焗，同埋佢地個PANTRY 係開放式，有時候煮D熱食有D油煙味供埋黎，可以的話，冷氣開大D、抽風好D既話，咁就好OK架啦。係度食三文治套餐如果係飲汽水同食薯條呢D小食，就唔駛加錢。如果轉其
不過而家又唔同咁講囉，宜家大角咀勁多食肆，有D 店成日係OPENRICE 榜上有名 ~
今次寫食評講下香港樓係因為這間舖處於攪笑地帶，話說這間舖的大廈開售的時候，路過此地聽到D AGENT 打電話SELL 大陸客， 同佢地講呢度鄰近港鐵奧運站，去中環呀、IFC 話都冇咁快到喎，重話高層單位能俯瞰維港夜色? 實情係個VIEW 俾前面D大廈擋晒啦，話鄰近港鐵奧運站? 鄰近九龍大酒店至真 ! 聽到D AGENT 咁樣SELL 樓，真係覺得勁攪笑囉…
OK，唔講樓，寫番食評，雖然呢間舖位置都幾隔涉，但都無損我尋找美食的興趣，普遍其他人對呢間店的食評食得都幾好，我都覺得唔錯喎，係可以食完再黎的三文治店。
店內環境好，有免費WIFI，光線充足開揚，與隔離枱的空間充足，唔會有擠逼的感覺，場內乾整，洗手間清潔。唯一不足的是我覺得涼氣唔多夠涼，有D 焗，同埋佢地個PANTRY 係開放式，有時候煮D熱食有D油煙味供埋黎，可以的話，冷氣開大D、抽風好D既話，咁就好OK架啦。
係度食三文治套餐如果係飲汽水同食薯條呢D小食，就唔駛加錢。如果轉其他小食同飲品，就按各項目收費。
叫左兩個三文治套餐，TOTAL HKD 84
雞蛋沙律三文治套餐 HKD 29
轉HERO’S 焗薯 + HKD 8
轉凍蜂蜜緑荼12oz + HKD 4
吞拿魚沙律三文治套餐 HKD29
轉煙三文魚凱撒沙律 + HKD 8
轉凍格雷伯爵奶荼 12oz + HKD 6
我覺得價錢算OK喎，如果唔轉其他小食和飲品，都係HKD 29 啫，宜家去老M食個套餐都要廿幾蚊啦。
三文治真係好OK，用料足、冇偷工減料，麵包新鮮，烘過的麵包皮香脆，熱辣辣的，三文治最怕係食整定既，食即叫即整既先至好食 !
焗薯：好食，唔乾身，撈沙律醬一齊食有D Creamy 的感覺，唔會鞋口。
煙三文魚凱撒沙律: 生菜生鮮，鮮甜唔澀口，麵包粒香脆，cheese 味濃郁，唯一美中不足我覺得煙三文魚太少份量了，好似得幾粒仔，哈哈。
飲品我就覺得不過不失囉，唔會有太大驚喜，今次飲的凍格雷伯爵奶荼和凍蜂蜜緑荼只屬一般，可能其他特飲應該會好D卦，如果係只想黎呢度食個好味既三文治，唔好轉野飲囉，飲汽水就OK 啦。
如果呢間店對飲品加多D心思，我覺得生意會更好囉~ 通常出色CAFÉ & 輕食店，都會有王牌的飲品架，加油 ~ 有HEART 整野食既餐廳，實會KEEP到熟客既～
張貼
