拉麵來 (已搬遷) 新店位置

拉麵來一向出名，當時興起拉麵熱潮嘅時候已經係數一數二嘅拉麵店。旺角分店非常方便，夜晚七點左右去剛好有位。入邊富有日本風格嘅裝修，帶有少少懷舊風味。我哋每人叫咗一個拉麵，一個叫咗白松露拉麵、一個海老拉麵。白松露好香，湯底揀咗濃味因為我比較鍾意食濃味嘅拉麵。麵質揀咗適中，爽口幾好食，唔會因為啲湯而變林，而且叉燒都夠林。另外我仲加咗糖心蛋，糖心蛋整得非常好，好食。另外叫咗海老拉麵海老湯好香，有蝦嘅鮮味。我相對地鍾意海老拉麵，但係其實兩個都咁出色。飲品叫咗蘋果梳打及抹茶波子汽水，抹茶波子汽水好特別，充滿茶味。小食叫咗章魚小丸子，章魚小丸子唔係圓波波咁，略為有點扁，係以炸嘅方式煮；墨魚咀就稍為淡味，要加多啲鹽先至調出味。呢度真係必食拉麵！