MOS Burger

營業中

休息中

想食漢堡包🍔好容易，但係喺馬鞍山度搵個好食嘅漢堡包真係一啲都唔容易🥲。今日去咗食Mos Burger，上次食咗個蝦堡之後，一直都覺得好好食，所以今次都唔例外。叫嘢食嘅時候見到今日精選嘅湯係黑松露蘑菇湯🍄，於是就叫咗個餐，順便試吓佢哋嘅湯品😚。-🍴吉列蝦漢堡🍤($28) - 同以前一樣，中間嗰個吉列蝦好足料，充滿蝦肉！加上有椰菜絲同醬，所以唔會太乾，同埋幾清新🌱。-🍴摩斯脆雞餐🐥(+$26) - 包裝非常方便，客人可以撕掉上半部分，然後利用下半部份拎住脆雞，唔駛怕手污糟嘅問題👍🏻。因為係外賣，所以放咗一陣，但係個皮都係脆嘅，只係略嫌有啲乾🤭。-🍴黑松露蘑菇湯(+$4) - 都係第一次知原來依間餐廳會有黑松露蘑菇湯😮。飲落同聞落蘑菇味都係比較重，所以冇咩黑松露味，作為黑松露愛好者嘅也米😍有少少失望🥺。不過其實幾好飲，個湯好順滑，而且仲會有唔少嘅蘑菇粒，好足料🤩！如果可以多少少黑松露味就好啦🤭。