老鍋台式火鍋 (京都廣場) (已結業)

好耐都冇去食火鍋啦，今次咁啱出開嚟銅鑼灣，想食一餐好食嘅火鍋，最後左揀右揀就揀咗呢一間老鍋台式火鍋。火鍋底叫左酸菜白肉鍋，酸酸辣辣咁樣都幾開胃喎，有少少酸菜魚嘅即視感哈哈，然後仲有啲薯粉幾好食，煙煙韌韌，彈彈牙牙。叫咗啲魚皮餃同埋梅菜丸，個梅菜丸真係好得意喎，食落去好似梅菜蒸豬肉咁，只不過變咗一粒波，幾有特色，魚皮餃都唔差。然後嗌咗個夜市炸臭豆腐小食，炸得幾脆，但一定要加汁食，如果唔係個口味會有啲淡。