小甜谷 (已結業)

明星食店來說, 算很好, 雖然我不認識谷小姐, 但真係佩服佢好有心機做甜品。此店位置不多眼, 是女友帶我來的。裝修, 好唔吸引, 唔太乾淨, 坐得唔舒服,稍微多人凳撞凳。食物就只吃過荔枝布甸, 上次買既時候幾多人, 都好貴, 唔多, 但非常好食, 朋友話用北海道奶, 食落應該係, 荔枝味清甜而不膩, 奶香而滑, 有果肉, 刮底之選, 一杯一定唔夠喉, 食完就覺得唔貴, 底食。今次叫野飲, 芒果咩涼粉珍珠, 嘩唔得, 因為自己做過珍珠奶茶, D珍珠一食就知唔得, 真係鐵蛋feel, 懷疑過夜, (過夜珍珠心好硬), 珍珠無甜味應該係泡的時間不足, 而飲品本身味道就有D假, 優點係唔會好甜, 因為好多飲品係落好多好多冰, 第1淡好甜, 之後坐多陣D冰熔晒變飲水, 得翻D色, 小甜谷無呢個問題。不過呢杯野唔好飲, 亦唔底飲。雖然我對佢既飲品既評語真係非常麻麻, 但單單一杯荔枝布甸就足夠我有衝動all the way行過尼呢邊, 布甸真係夏日之選。