春嬌越南河

營業中

休息中

有朋友相約我到坑口，有物件交收，之後佢帶我到，明德商場地下4-6號舖，名字叫春嬌，食晚餐，坐低望住枱面上的大牌推介，有兩個套餐，吾駛諗就用手機掃曲落單，志明咸滑雞配檬粉飲熱咖啡，香茅豬扒雞翼荷蛋飯，配女仕恩物洛神玫瑰花茶熱飲，再加多兩樣小食，炸春卷，串燒牛肉，等咗一陣餐就來到，向店員要求攞兩個碗仔，我哋想試吓多樣，咸雞好滑好有咸香味，師傅控制得非常到位，才有出色作品，香茅豬扒肉質鮮嫩夠入味，飯煮得軟熟米香，炸春卷用生菜包住嚟食，咬一口春卷D香脆混合埋生菜，感覺都幾好食，串燒牛肉上面有D醬再加上花生碎，醬汁惹味牛肉嫩滑再有花生粒的口感，都係唔錯的，越南咖啡係一滴一滴流出嚟，洛神玫瑰花茶，有少少酸酸甜甜，確實真係餐後飲品，幫助消化，今晚的晚餐消費真係超值。