PizzaExpress (康怡廣場北座) (已結業)

發覺呢排嘅天氣真係好適合外賣，所以今次我都決定買外賣同屋企人一齊食。今次介紹嘅餐廳相信大家都唔陌生，就係PizzaExpress啦。即刻同大家介紹吓我嗰日外賣咗啲咩嘢食啦，首先想講嘅意式焗肉丸，我覺得肉丸個口感好實在。加上佢係用蕃茄醬調味嘅，所以都算係一個幾開胃嘅小食。之後想講吓嘅就係雞肉蘋果沙律，我想講呢個沙律真係健身人士嘅恩物，佢個沙律係用咗火箭菜去整嘅，另外佢嘅雞肉都唔會太油膩。再加埋好爽口嘅青蘋果，成個沙律真係超級低卡路里，夠晒健康！然後喺Pizza方面首先我想講嘅就係番茄新豬肉薄餅，相信大家都知道新豬肉係咩嚟。顧名思義就係素嘅豬肉，但係我識嘅時候真係完全唔覺得係素食。佢一樣係有豬肉個口感同埋豬肉嘅香味。我自己就好滿意啦！之後第二款想介紹嘅Pizza就係羽衣金蘭蘑菇松露薄餅，我覺得呢個Pizza真係做得好香，首先蘑菇同松露真係好夾。再加埋羽衣甘藍焗左之後都一樣食到佢本身嘅香味，屋企人都一樣好鍾意呢款pizza。