影片
更多
2022-09-29
143 瀏覽
最近上網見到位於鰂魚涌有一間好高質嘅西餐廳，而平時鍾意食西餐嘅我就當然唔會錯過啦。如果平時鍾意搵嘢食嘅朋友就一定會鍾意呢間餐廳嘅選址啦，因為其實佢都算係一個比較隱世嘅地方。講完佢個環境就當然講吓佢嘅嘢食啦，首先我要介紹嘅第一個嘢食就係魔鬼辣雞翼，真心講佢真係我食過嘅最好食嘅雞翼之一，佢嘅雞翼大大隻之餘，仲炸得好香口。咬落完全係皮脆肉嫩嘅效果，點埋餐廳準備嘅橙色醬汁，就會令到成隻雞翼有少少辣，兼且有啲惹味。真係淨係望到相都流晒口水。之後我要介紹第二樣嘅食物就係雞肉卡邦尼意粉，佢嘅卡邦尼意粉同樣做得出色。啲意粉嘅texture 夠晒Creamy，另外意粉都成功吸收到煙肉炒過後嘅精華，仲有好邪惡嘅芝士粉添。既然佢嘅卡邦尼意粉前面加咗雞肉，雞肉嘅份量，自然都唔可以睇小啦。雞肉嘅肉質一啲都唔柴，配住住卡邦尼意粉一齊食，完全冇違和感。之後我要介紹嘅主食係吉列魚柳漢堡配薯條，先講咗佢嘅薯條先，餐廳所用嘅薯條係厚切薯條，所以喺口感方面都幾滿足㗎。另外薯條都炸得好香口，食落都唔會有多餘嘅油分。至於吉列魚柳漢堡同樣做得出色，因為佢個漢堡包係有烘過㗎，所以佢嘅芝麻味都特別濃。至於塊吉列魚柳都冇令我失望。魚肉
講完佢個環境就當然講吓佢嘅嘢食啦，首先我要介紹嘅第一個嘢食就係魔鬼辣雞翼，真心講佢真係我食過嘅最好食嘅雞翼之一，佢嘅雞翼大大隻之餘，仲炸得好香口。咬落完全係皮脆肉嫩嘅效果，點埋餐廳準備嘅橙色醬汁，就會令到成隻雞翼有少少辣，兼且有啲惹味。真係淨係望到相都流晒口水。
之後我要介紹第二樣嘅食物就係雞肉卡邦尼意粉，佢嘅卡邦尼意粉同樣做得出色。啲意粉嘅texture 夠晒Creamy，另外意粉都成功吸收到煙肉炒過後嘅精華，仲有好邪惡嘅芝士粉添。既然佢嘅卡邦尼意粉前面加咗雞肉，雞肉嘅份量，自然都唔可以睇小啦。雞肉嘅肉質一啲都唔柴，配住住卡邦尼意粉一齊食，完全冇違和感。
之後我要介紹嘅主食係吉列魚柳漢堡配薯條，先講咗佢嘅薯條先，餐廳所用嘅薯條係厚切薯條，所以喺口感方面都幾滿足㗎。另外薯條都炸得好香口，食落都唔會有多餘嘅油分。至於吉列魚柳漢堡同樣做得出色，因為佢個漢堡包係有烘過㗎，所以佢嘅芝麻味都特別濃。至於塊吉列魚柳都冇令我失望。魚肉唔容易鬆散，食得出都好新鮮添。
最後我要介紹嘅煮食就係壓軸登場嘅10安士肉眼扒配薯條。就咁睇個賣相就已經感受到塊肉眼扒有幾咁震撼，佢個色澤真係好靚同埋油脂分布都好平均添。至於食起上嚟真係同睇嘅一模一樣，都係咁完美。我嗰日就叫咗三成熟嚟食，所以切開嚟睇個肉質都好粉嫩。塊肉眼扒本身唔多筋，所以係口感上都比較滿足，點埋餐廳特製嘅牛扒醬汁嚟食真係冇得頂。
張貼
