影片
更多
2022-10-02
48 瀏覽
最近唔知點解胃口特別好，所以呢排都想搵返一間放題去滿足返自己個胃口。今次就聽朋友嘅推介去咗一間位於旺角嘅燒肉放題餐廳，等我可以喺呢餐入邊盡情咁去食。餐廳個環境都有趣。餐廳個名叫做神燈燒，所以喺餐廳入邊都會感受到少少阿拉丁嘅風味㗎，另外喺每張枱都會放咗個神燈，夠晒應景。因為餐廳個位置係位於地庫嘅，所以其實幾有神秘感之餘，又有返去旅行食燒肉嘅感覺。嗰日我同朋友就叫做一個Level5嘅套餐，所以選擇其實都幾多㗎。而家就等我嚟講一啲我食咗之後比較深刻嘅嘢食。鹿兒島A4和牛肉眼蓋A4和牛嘅屬性令到佢嘅口感更加豐富之餘，都同時感受到油脂嘅香味。佢放入口係真係接近入口即溶嘅狀態，令我都忍唔住嗌多幾份。和牛他他平時都好少機會食和牛他他，因為可以生食嘅和牛其實都唔常見。今次食呢份他他佢唔算話調味好濃，透過溶咗啲酸酸地嘅調味成功突出到和牛本身嘅香味。另外佢個賣相本身都夠晒賞心悅目，真係睇得又食得！澳洲M9和牛西冷呢塊和牛西冷同樣比到我好大嘅驚喜，除咗佢本身夠晒大塊之外。另外佢個口感其實都做得好軟嫩，食落唔會有太多筋。係非常高質素嘅和牛西冷，啱晒食肉獸！刺身雖然餐廳係主打燒肉放題，但係其實佢個刺身都做得好出
餐廳個環境都有趣。餐廳個名叫做神燈燒，所以喺餐廳入邊都會感受到少少阿拉丁嘅風味㗎，另外喺每張枱都會放咗個神燈，夠晒應景。因為餐廳個位置係位於地庫嘅，所以其實幾有神秘感之餘，又有返去旅行食燒肉嘅感覺。
嗰日我同朋友就叫做一個Level5嘅套餐，所以選擇其實都幾多㗎。而家就等我嚟講一啲我食咗之後比較深刻嘅嘢食。
鹿兒島A4和牛肉眼蓋
A4和牛嘅屬性令到佢嘅口感更加豐富之餘，都同時感受到油脂嘅香味。佢放入口係真係接近入口即溶嘅狀態，令我都忍唔住嗌多幾份。
和牛他他
平時都好少機會食和牛他他，因為可以生食嘅和牛其實都唔常見。今次食呢份他他佢唔算話調味好濃，透過溶咗啲酸酸地嘅調味成功突出到和牛本身嘅香味。另外佢個賣相本身都夠晒賞心悅目，真係睇得又食得！
澳洲M9和牛西冷
呢塊和牛西冷同樣比到我好大嘅驚喜，除咗佢本身夠晒大塊之外。另外佢個口感其實都做得好軟嫩，食落唔會有太多筋。係非常高質素嘅和牛西冷，啱晒食肉獸！
刺身
雖然餐廳係主打燒肉放題，但係其實佢個刺身都做得好出色㗎。令我最深刻嘅就一定係三文魚刺身，咁啱嗰日佢係俾咗三文魚腩我食，入口已經感受到三文魚本身嘅油脂香味。就算唔使點豉油都一樣咁好食，另外帶子同埋貝類刺身都做得好好，食落夠晒有鮮味，真係就咁睇個賣相就已經知道有幾咁新鮮。
升級水產
講到燒肉放題就緊係唔可以唔講埋水產，我自己覺得水產拎去燒，真係會食到另一番嘅香味。蒲燒鰻魚本身夠晒嘅調味已經好足夠，拎鰻魚個人認為更加可以帶出鰻魚本身嘅鮮味，可以盡情食鰻魚嘅感覺真係好難得。蒜蓉開邊燒虎蝦真係睇到個名都流晒口水，相信大家都知道蒜蓉係幾咁夾燒海鮮。蒜蓉嘅存在令到虎蝦嘅味道多咗一番層次。唔單只係本身嘅鮮味，仲有埋蒜蓉嘅陣陣香味。
涼粉冰
一開始我就叫咗一杯涼粉冰。結果送到上嚟先知，原來佢係咁大杯㗎，真係見到個賣相就已經覺得好適合打卡。有一刻甚至覺得自己做咗大胃王，講返飲品嘅味道先，佢唔算話太甜，都幾適合我同埋涼粉嘅數量都幾多，叫做可以搵啲嘢咬下咁。
如果大家都留意緊燒肉放題嘅，我強烈建議大家試吓神燈燒啦。我嗰日真係食到滿載而歸，非常之滿足。
張貼
