澳葡牛奶餐室

營業中

休息中

最近上網見到一間都幾多人推介嘅澳門茶餐廳。既然我咁耐冇去澳門，就當然要喺香港感受下澳門嘅味道啦。今次要介紹嘅餐廳係位於深水埗嘅澳葡牛奶餐室。 環境嚟講其實都坐得幾舒服，最吸引到我嘅就係喺櫥窗上面嘅雙皮奶同埋燉奶，真係望到都覺得吸引。葡撻正宗做法，熱辣辣咁食好正。熱杏汁燉奶杏汁味道濃，燉奶都燉得好先鮮滑。熱正宗雙皮奶雙皮奶個口感好軟滑，同埋奶味真係好濃，我自己好鍾意。巨人豬扒包塊豬扒真係好大塊，就咁睇已經見到仲長過塊包嘅直徑。豬扒包食落都好入味，跟餐嘅薯條炸得好脆，熱辣辣好好食。金莎生炸雞脾生炸雞髀皮脆肉嫩，唔會太油淋淋。雞肉肉質好嫩，加埋鹹蛋黃嘅金莎，我覺得真係好夾。炸馬介休球喺澳門一定會試嘅小食，香港食一樣風味十足，馬介休球炸得香濃入味，夠晒地道。如果大家本身都鍾意食澳門嘅小食嘅話，呢間餐廳相信你哋會鍾意。