素年 (黃埔天地百寶坊)

營業中

休息中

今次就同朋友去咗一間喺網上都幾出名嘅cafe，佢就係位於紅磡嘅素年，相信大家一定都聽過呢間餐廳嘅深水埗分店有幾出名。呢間餐廳嘅環境我都幾滿意，坐位都算幾闊落，同埋餐廳有擺到好多書同埋album cover，畀到人一種好文青嘅感覺。青森蘋果肉桂蛋糕餐廳嘅甜品全部都係自家製嘅，呢個肉桂蛋糕嘅肉桂味效果都做得幾好，食嘅每啖都有淡淡嘅肉桂香味。青森蘋果嘅味道都夠獨特，嗰種有水果香味嘅甜真係一般蘋果都滿足唔到。巴斯克芝士蛋糕相信大家對巴斯克芝士蛋糕都唔會陌生，呢間餐廳嘅巴斯克芝士蛋糕我覺得做得好出色，巴斯克芝士蛋糕獨特嘅口感再加埋軟滑嘅芝士香味真係做得幾好㗎。食嘅時候仲可以配埋酸忌廉一齊食。芒果伯爵茶撻我本身就好鍾意伯爵茶香味，所以如果有伯爵茶嘅甜品我都一定會試。今次呢個芒果伯爵茶撻嘅賣相真係夠晒靚，靚到我都唔太捨得破壞佢。伯爵茶同芒果都好夾，而且撻皮嘅口感做得幾好，有少少脆脆地嘅效果。奇異果蘋果羽衣甘藍燕麥奶有羽衣甘藍嘅燕麥奶我真係第一次飲，估唔到效果都幾唔錯。奇異果、蘋果同羽衣甘藍本身都係綠色嘅，所以飲品嘅顏色真係夠晒統一，而且畀到我好fresh嘅感覺，飲一啖同時feel到晒所有材料嘅味道。