台北人 (已結業)

最近都好想搵返啲台灣嘢食食下，所以今次就去咗間位於黃埔嘅台式便當專門店外賣咗啲特色台灣食物，呢間店舖名為台北人，夠晒有台灣風味。排骨便當 排骨便當就咁睇已經有台灣嘅風味，有粉絲有蔬菜有滷水蛋。當然唔少得最重要嘅排骨，我自己幾鍾意佢嘅排骨，厚切嘅口感再加酥炸排骨獨有嘅香味，便當真係話咁快就食完。台式臭豆腐臭豆腐賣相睇落吸引，除咗有臭豆腐外仲有椰菜同紅蘿蔔絲喺𥚃面。臭豆腐夠大件而且惹味，而且佢唔算好臭，相信本身冇食開臭豆腐都會想試下。阿嬤QQ果鮮奶茶作為台式奶茶，我對佢相當有信心。奶茶味道香濃而且唔甜，當中嘅QQ果都夠有口感，令到成杯奶茶增加咗豐富嘅元素。如果大家都鍾意食台灣便當，都可以食下呢間餐廳架。