醉胡爐 (已搬遷) 新店位置

今次同朋友去咗一間位於尖沙咀嘅打邊爐專門店食晚餐。其實我本身都好鍾意打邊爐㗎，所以今次咁難得有呢個機會就緊係唔會錯過佢啦。一入到呢間餐廳，就覺得佢個環境真係好舒服，座位之間夠晒闊落。今次就食咗椰青雞鍋，就咁睇個賣相已經覺得好吸引。唔單止雞件份量足夠，而且仲真係用咗椰青去整㗎，好真材實料。見到湯底嘅顏色就已經覺得好開胃，聞落都覺得芳香撲鼻，飲落都好清甜。另外牛肉嘅選擇有好多，所以個體驗都幾豐富㗎。除咗肉之外，都仲有餃子同丸子可以食，我自己覺得都幾高質素。另外小食方面就食咗個涼拌鳳爪，我自己覺得鳳爪有酸辣嘅效果，食落都幾醒胃㗎。如果大家都鍾意打邊爐嘅話，就真係唔可以錯過呢間餐廳啦。絕對唔會令你失望！