等你 _ _ (已結業)

見到門面覺得好好笑，台灣嘢真窩心，等我喎，嗱嗱聲入去啦! 台式小店梗係要食下滷肉飯呀、紅燒牛肉飯啦! 呢兩個係最易睇到間舖頭做得好唔好基本台式功夫既！同意嗎？但兩個飯當然唔夠滿足我哋既食欲啦，要叫番啲鹵水小食就梗既，所以叫咗個綜合併盤，而當中嘅滷水豆腐大家一定一定唔好錯過😋 。滷肉飯味道好好，肉碎都好嫩，唔會太鹹。紅燒牛肉就細件咗啲，呢個冇咁抵食，但味道都可以。 啲飯有菜、有鹵水蛋，呢個亦係我鍾意台灣飯嘅原因（夠全面）!飲品就叫咗凍仙草布甸奶茶， 跟餐加小小錢就有，平出面成十蚊，仲唔會太甜，好開心 ！我去台灣食店最開心就係有飯，有小食，又配親一款台式飲品咁好。 而且價錢一般都唔會貴得去邊👍糧頭糧尾都可以去得!