影片
更多
2021-06-21
42 瀏覽
之前成日見到有人post流心牛角包，今次終於到我試啦！我同朋友叫咗個tea set，然後再喺set menu到揀咗兩個courses，食完都幾飽！😋Lemon Grass 3-Layers Afternoon Tea Set呢個tea set有三層，最上面嗰層係生蠔同扇貝，中間嗰層係小食，最底嗰層係甜品。-生蠔同埋扇貝各有兩件，除咗有平時嘅檸檬汁之外，仲有泰式嘅酸辣汁。以前食生蠔都淨係會唧檸檬汁，今次試埋酸辣汁估唔到都好有驚喜。除咗酸之餘仲有泰國嘅風味，好特別！- 小食有芒果蟹肉牛油果多士、黑松露野菌脆春卷同埋西班牙黑毛豬頸肉溫室青瓜刈包。個多士好脆，上面啲芒果蟹肉牛油果超多！春卷好足料，佢同其他春卷唔同嘅地方係多咗少少黑松露嘅香味。刈包裏面嘅豬頸肉唔係普通嘅燒豬頸肉，而係加咗啲泰式嘅醬汁落去，味道十分豐富。-甜品有芒果糯米飯、泰式奶茶芝士蛋糕、鳳梨焦糖燉蛋同埋官燕椰汁燉蛋白伴北海道紅豆。我最鍾意食泰式奶茶芝士蛋糕同埋焦糖燉蛋！泰式奶茶芝士蛋糕真係超好食，奶茶味同芝士味都好濃，下次一定會再食！焦糖燉蛋都幾特別，因為每次食都係得甜味，但今次因為個底有鳳梨，所以除咗甜之外仲酸酸地！🥐泰式奶
我同朋友叫咗個tea set，然後再喺set menu到揀咗兩個courses，食完都幾飽！
😋Lemon Grass 3-Layers Afternoon Tea Set
呢個tea set有三層，最上面嗰層係生蠔同扇貝，中間嗰層係小食，最底嗰層係甜品。
-
生蠔同埋扇貝各有兩件，除咗有平時嘅檸檬汁之外，仲有泰式嘅酸辣汁。以前食生蠔都淨係會唧檸檬汁，今次試埋酸辣汁估唔到都好有驚喜。除咗酸之餘仲有泰國嘅風味，好特別！
-
小食有芒果蟹肉牛油果多士、黑松露野菌脆春卷同埋西班牙黑毛豬頸肉溫室青瓜刈包。個多士好脆，上面啲芒果蟹肉牛油果超多！春卷好足料，佢同其他春卷唔同嘅地方係多咗少少黑松露嘅香味。刈包裏面嘅豬頸肉唔係普通嘅燒豬頸肉，而係加咗啲泰式嘅醬汁落去，味道十分豐富。
-
甜品有芒果糯米飯、泰式奶茶芝士蛋糕、鳳梨焦糖燉蛋同埋官燕椰汁燉蛋白伴北海道紅豆。我最鍾意食泰式奶茶芝士蛋糕同埋焦糖燉蛋！泰式奶茶芝士蛋糕真係超好食，奶茶味同芝士味都好濃，下次一定會再食！焦糖燉蛋都幾特別，因為每次食都係得甜味，但今次因為個底有鳳梨，所以除咗甜之外仲酸酸地！
🥐泰式奶茶流心牛角包
呢款牛角包好味過龍蝦湯嗰個！一切開個牛角包啲泰式奶茶係咁流出來，真係勁多！可能因為我本身鍾意食甜野多過鹹嘢，以泰式奶茶亦都夠甜同夠香，所以我覺得呢個好味啲！我同朋友食完個牛角包之後仲想飲埋流出嚟嗰啲泰式奶茶😂
🥐龍蝦湯流心牛角包
我期待咗啲牛角包好耐，次次見到人食都好似好吸引咁！牛角包外面酥脆，裏面鬆軟。龍蝦湯亦都好濃，用嚟配牛角包食簡直一流！
🐷招牌西班牙黑毛豬腩配黑毛豬頸
碟黑毛豬望落細細碟，但其實食完都飽。豬頸肉好大嚿，食落好香香茅味，充滿泰國風情。豬腩肉嘅肥瘦均勻，食落口唔會好油膩，而且調味都好香！
張貼
