紫甜

營業中

休息中

我係街坊，食過呢度嘅碗仔翅、喳咋同韮菜水餃，呢三樣嘢呢間都整得好好食！碗仔翅嘅味道唔味精feel，𥚃面嘅用料好平均，唔係整定擺左一日傑哂嘅texture，而係好似啱啱煲好嘅感覺👍🏻喳咋唔會太甜，超多豆！韮菜餃好多料，韮菜唔會老，好大隻。另外今晚買外賣時見有人落單叫炒麵，佢地開左隻鑊仔去炒，唔會好似平時嘅小食店係一大堆炒定放喺度成日，你叫就夾俾你咁。因為成日經過，所以見到開檔嘅應該係老闆(們)自己，佢地態度好好。