美味餃子店 (已搬遷) 新店位置

去完新香園食蛋牛治，專登留肚食餃子。雖則地區叫深水步，但其實近太子多。所以從新香園行落去，中晒招！講番餃子店，叫一個菜肉餃加豆漿。剛剛去完佐敦北京水餃店，所以自然比較一番。北京水餃店餃子較似方形、好大隻，皮厚但好滑，料呈啡色，而味道濃烈。呢道o既餃子屬長形，皮薄料多，但味道相對較淡。而餃子皮的質料、口感，同北京水餃店好唔同。豆漿較甜而冇乜豆味。湯底太特別- 野葛菜生魚豬骨湯，相對一般清湯底，較濃郁而且唔覺有味精。但未必人人覺得好飲就真...總括而言：好味、價錢ok