影片
更多
2013-06-15
29 瀏覽
早一個星期左右行過金之藏門口，有兩個後生仔係到派卡片，張卡片好簡單，只係得電話同個小地圖，兩個店員好有活力，所以決定搵日試下。如是者，我就係六月十二日去左金之藏享用晚餐，同行亦有幾位朋友，去到既時候仲見到果兩個後生仔係到派緊卡片。可能因為係平日，店入邊無乜人，所以就直接比位我地座，店員做野好爽手，見我地四個人就拿拿林比餐牌我地睇，仲好快咁幫我地裝茶。本餐牌外觀都唔錯，入邊有啲食物圖好吸引，用左五至六分鐘既時候就決定落野食啦。起初點左澳洲和牛、雞中翼、羊架、冬茹、茄子、青椒等等，但點到一半既時候，店員問我地要唔要試下個龍蝦，見98蚊一隻就決定試下，再加上佢地不停話龍蝦係即日買同成本價賣比我地，到最後我地又想試哂兩隻味，又唔想叫兩隻，佢地好好人咁比我地鹽燒同另外果隻味各半隻（開邊上）試試。另外，佢地亦推介左個冷麵卷比我地試，係佢地推介下決定一試！店員話冷麵卷可以當係一個前菜，果然好快就上到比我地，佢一碟有8舊，買相唔錯，食落去感覺好特別，就好似平時食卷壽司，但入面唔係飯，係冷麵，食落去應該係喬麥麵同綠茶麵。係香港真係未食過，呢樣真係好值得試，入面仲有蟹子蟹柳，加埋果個暖暖地既汁，食落真係好
如是者，我就係六月十二日去左金之藏享用晚餐，同行亦有幾位朋友，去到既時候仲見到果兩個後生仔係到派緊卡片。可能因為係平日，店入邊無乜人，所以就直接比位我地座，店員做野好爽手，見我地四個人就拿拿林比餐牌我地睇，仲好快咁幫我地裝茶。
本餐牌外觀都唔錯，入邊有啲食物圖好吸引，用左五至六分鐘既時候就決定落野食啦。起初點左澳洲和牛、雞中翼、羊架、冬茹、茄子、青椒等等，但點到一半既時候，店員問我地要唔要試下個龍蝦，見98蚊一隻就決定試下，再加上佢地不停話龍蝦係即日買同成本價賣比我地，到最後我地又想試哂兩隻味，又唔想叫兩隻，佢地好好人咁比我地鹽燒同另外果隻味各半隻（開邊上）試試。另外，佢地亦推介左個冷麵卷比我地試，係佢地推介下決定一試！
店員話冷麵卷可以當係一個前菜，果然好快就上到比我地，佢一碟有8舊，買相唔錯，食落去感覺好特別，就好似平時食卷壽司，但入面唔係飯，係冷麵，食落去應該係喬麥麵同綠茶麵。係香港真係未食過，呢樣真係好值得試，入面仲有蟹子蟹柳，加埋果個暖暖地既汁，食落真係好特別，店員無介紹錯！！
之後其他野食都開始上，龍蝦原隻開邊上碟，右邊係鹽燒，左邊係另外隻味，我地覺得鹽燒比較好食，有番食海鮮既味道，相反另外果隻就重味左少少，朋友同我都唔係幾岩食，所以我地決定叫多一隻鹽燒龍蝦食下。
但羊架同澳洲和牛驚喜唔太大，，相反，佢地啲雞類串燒，雞軟骨、雞腎、雞皮、雞中翼就唔錯，一黎香口，兩黎佢地比我地試既自家制味憎醫，食落就更加好食。另外仲食左一啲蔬菜，冬茹、茄子、青椒、雞脾茹都值得一試，栗米同蕃薯就要等比較耐......
最後，我地叫多左個黃金拉麵同個叉燒飯食，黃金拉麵味道好濃，入面隻蛋仲要係流心，個湯底仲有少少炒過既味，好鬼特別，而個叉燒飯碎粒叉燒，加上粉紅色果啲薑，再加個蛋黃，總括黎講算好味，但有改善空間。
座位方面有少少座得唔舒服，可能因為間野細，令啲枱比較逼，但呢啲無得怪。店員服務亦值得一讚，廚房既人做野亦不忘同客人講歡迎光臨同多謝哂拜拜，樓面既後生仔亦都好出力，有要求都會幫我地解決。
呢間野，值得一試。
四個人食左700~800左右
張貼