影片
更多
2019-09-26
720 瀏覽
@tardemah_hk #尖沙咀呢間係k11 musea 新開嘅韓國麵包店最近人氣都幾高，主打買各種味道嘅方包，雖然佢嘅定價的確好高，但係唔少人都話好味。嗰日夜晚去到已經賣剩得幾款，成間店舖都係韓國人，佢哋好好會主動喺門口派其中一兩款麵包嘅試食。艾草年糕方包 $78南瓜忌廉芝士方包 $78兩款麵包都同樣非常鬆軟，個口感的確係勝過好多大型連鎖店嘅方包，而且味道亦都比較特別，仲要有好多餡料！不過兩款之間我就比較鍾意南瓜忌廉芝士，佢啲南瓜係又甜又淋，配上去鹹鹹地嘅忌廉芝士，令到成件事更加creamy，真心超好味！相反另一個艾草年糕就有少少太甜。其實佢嘅餡料係好特別，既有年糕之餘又有栗子紅豆青豆鷹嘴豆，成個配搭都幾新奇，佢仲將所有栗子同埋豆類都coated咗層甜甜地嘅嘢，所以食落去其實唔覺得自己食緊豆，就連我平時完全唔食栗子同埋青豆嘅人都覺得冇問題，但係就會甜咗啲啲。而且麵包帶有艾草味，未必個個都鍾意嗰浸少少中藥感覺嘅味。不過七十幾八十蚊個方包真係有啲貴，但係無可否認佢哋啲麵包同餡料的確係好好味嘅！雖然貴但我覺得我都係會再買。味道: 4.7/5性價比: 3.7/5
呢間係k11 musea 新開嘅韓國麵包店最近人氣都幾高，主打買各種味道嘅方包，雖然佢嘅定價的確好高，但係唔少人都話好味。嗰日夜晚去到已經賣剩得幾款，成間店舖都係韓國人，佢哋好好會主動喺門口派其中一兩款麵包嘅試食。
艾草年糕方包 $78
南瓜忌廉芝士方包 $78
兩款麵包都同樣非常鬆軟，個口感的確係勝過好多大型連鎖店嘅方包，而且味道亦都比較特別，仲要有好多餡料！
不過兩款之間我就比較鍾意南瓜忌廉芝士，佢啲南瓜係又甜又淋，配上去鹹鹹地嘅忌廉芝士，令到成件事更加creamy，真心超好味！
相反另一個艾草年糕就有少少太甜。其實佢嘅餡料係好特別，既有年糕之餘又有栗子紅豆青豆鷹嘴豆，成個配搭都幾新奇，佢仲將所有栗子同埋豆類都coated咗層甜甜地嘅嘢，所以食落去其實唔覺得自己食緊豆，就連我平時完全唔食栗子同埋青豆嘅人都覺得冇問題，但係就會甜咗啲啲。而且麵包帶有艾草味，未必個個都鍾意嗰浸少少中藥感覺嘅味。
不過七十幾八十蚊個方包真係有啲貴，但係無可否認佢哋啲麵包同餡料的確係好好味嘅！雖然貴但我覺得我都係會再買。
味道: 4.7/5
性價比: 3.7/5
62 瀏覽
0 讚好
0 留言
張貼
