影片
更多
2010-11-24
19 瀏覽
今日朋友紹介新髮型師比我, 電左個髮, 之後就順道一齊食Dinner, 朋友話一不離二, 順道介紹間新食店過我. 就係咁我地一齊落左九龍城, 去左一間叫譚點既專食中式點心既鋪頭, 朋友話Lee間鋪開左幾個月, 佢就成日黎食, 仲話D點心好得........心諗真係咁好??入到鋪內, 見老闆娘同佢打招乎, 又好似真係幾熟喎 其車客人不算太多, 若一半到啦, 我地搵左個好位, 可以追看劉醒朋友見我掛住睇電視就隨便點左幾個點心, 點心黎到面前, 我拉返個心返黎.........其實邊食邊偷看電視原來Lee度D點心一籠兩件, 啱曬兩位用, 又幾好喎 黑魚子燒賣初頭以為黑魚子係整式整水, 用黎收多你兩蚊既招數, 但原來咬開粒燒賣, 內裡分層鮮明, 仲有大隻蝦, 差D以為自己食緊蝦餃, 實在忍唔住要影低佢, 証明我無作大.星星魚腸粉個名怪怪地, 起初仲以為係用魚腸做腸粉, 咁埋英文說明先知原來係炸魚, 老闆娘話用炸九肚魚做的, 好受歡迎的.終於個腸粉現身, 原來係用玻璃長型碟裝起六件腸粉, 賣相又幾靚喎, 一口咬落去又幾胞喎, 我個人就覺似新潮炸兩, 食落又幾得意, I like it 米湯波菜餃
就係咁我地一齊落左九龍城, 去左一間叫譚點既專食中式點心既鋪頭, 朋友話Lee間鋪開左幾個月, 佢就成日黎食, 仲話D點心好得........心諗真係咁好??
入到鋪內, 見老闆娘同佢打招乎, 又好似真係幾熟喎 其車客人不算太多, 若一半到啦, 我地搵左個好位, 可以追看劉醒
朋友見我掛住睇電視就隨便點左幾個點心, 點心黎到面前, 我拉返個心返黎.........其實邊食邊偷看電視
原來Lee度D點心一籠兩件, 啱曬兩位用, 又幾好喎
黑魚子燒賣
初頭以為黑魚子係整式整水, 用黎收多你兩蚊既招數, 但原來咬開粒燒賣, 內裡分層鮮明, 仲有大隻蝦, 差D以為自己食緊蝦餃, 實在忍唔住要影低佢, 証明我無作大.
星星魚腸粉
個名怪怪地, 起初仲以為係用魚腸做腸粉, 咁埋英文說明先知原來係炸魚, 老闆娘話用炸九肚魚做的, 好受歡迎的.
終於個腸粉現身, 原來係用玻璃長型碟裝起六件腸粉, 賣相又幾靚喎, 一口咬落去又幾胞喎, 我個人就覺似新潮炸兩, 食落又幾得意, I like it
米湯波菜餃
起初以為朋友叫佢個白弼, 原來係粥底浸住幾粒波菜餃, 又幾得意喎, 唔知係咪白粥底關係, 個人覺淡左少少
封煎蝦餃併燒賣
係一個以薯裝飾個樣幾潮幾靚既點心, 個人就覺都係傳統做法好食D, 不過就估唔到食點心薯片送
豉汁蒸鳳抓
終於有一樣係同一般酒樓點心賣相一樣的, 可以直接比較下. 嗯! 全晚幾個點心, 最入味既就係鳳瓜, 一般酒樓食到既鳳抓比較諗身, 但Lee度既鳳抓D皮出奇既爽, 又幾好味喎! 唔知佢有咩秘方, 朋友就話因為係即叫即蒸, 所以就會有咁既效果, 唔通我平時飲茶食個D點心唔係即蒸既???
蝦餃
好大隻蝦餃, 個皮好不薄, D蝦好爽, 但如果再多D筍就更好.......好似要求多左少少添
高湯牛肉球
名為高湯, 原來係以湯浸住牛肉球, 有別一般酒樓點心, 盅內除左有三粒牛肉球, 仲有菇片, 又幾有心思, D牛肉球好鮮味, 但估唔到個湯底又幾好味
可愛小白兔
上次食小白兔o係係鴻星, 估唔到Lee度都有喎, 咁可愛一定要試下啦! 隻白兔好鬆, 好味道^^
四式布甸(焦煻,白芝麻, 石榴, 榴槤)
正正諗緊要唔要再加食品, 老闆娘送來兩SET小碗布甸! 有甜品送咁好??? 原來係因為朋友超喜歡食Lee度D點心, 老闆娘話師父見佢成日黎幫襯, 所以特意送幾款過我地試下喎, 有免費甜品試, 正!
唔係茶包係茶袋
唔知係咪唔算多人, 夜左竟然見到個侍應坐左係最尾張枱度入茶葉, 原來Lee度D茶葉會預先入好一包包! 多口問老闆娘為何要入茶袋, 原來係因為客人要咩茶就放一包落去沖, 又快又方便又唔洗怕洗茶壺時有洗唔乾淨喎! .............等我返屋企都要試下用茶袋先, 又學到野
總括今餐比我想象中要好, 仲發現原來中式點心可以有咁新潮, 多謝朋友一晚介紹兩樣好野比我, 下次一定再嚟試埋其他點心, 不過若朋友唔黎既話唔知仲有無甜品送呢
張貼
