堅離地 7 PO (已結業)

呢間位於渡船角的中東餐廳裝修好靚D野又好食，真係難得，因為好多時裝修靚嗰D餐廳D野食就會一般D。我地叫咗兩樣野share，分別係中東串燒配皮塔餅同埋一個牛油果石榴沙律。呢碟中東串燒配皮塔餅份量比想像之中少，不過就真係幾好食，尤其是個皮塔餅，佢表面少少粉等佢可以keep到乾身，但係咬落去佢入面又唔會太乾，似乎大廚對食材都有D要求唔係一味要平。串燒OK啦D肉唔會好韌，值得一提係佢個沙叮嗲醬幾好味。牛油果石榴沙律比人好fresh的感覺，連D配菜都好新鮮，食吓沙律令到個人都輕鬆D。