影片
更多
2012-03-23
174 瀏覽
三月係朋友生日高峰期，接連出席幾個生日飯局，中式又有西式又有日式都有~是日壽星女指定要食壽司，有朋友提議去未食完的壽司店一試，上OPENRICE望過下都幾好多評就去試下。是日星期日，7點鐘去到，要等半個鐘，合共18張飛，都叫合理，而且好好彩隔離有間APPLE專門店，我地去左人地間舖玩開新IPAD 3 兼上網~半個鐘頭好快就過左~~~HA~好啦~~等左半個鐘，終於入得去，入面有大約10張4人枱，其餘係迴轉壽司，環境不覺逼，坐得都舒服，因為肚餓拿拿聲點菜，我地都算點得多壽司，不過我唔係碟碟都有份食，所以我只介紹我有份食那些，我地大約叫左20碟壽司左右，我記得價錢的都列了出來，可供參考。峰玉子：喜出望外的壽司，大大舊甜蛋，輕軟又甜又彈牙，雖然飯得好少，但正正因為少先適合咁大舊蛋，而且只係14蚊2 舊，抵食!北寄貝：比較遜色的一樣壽司，比較遜色，唔係話佢差，係相比其他更好味的壽司，顯得佢有點平凡，與一般其他連鎖食的分別不大，都叫鮮甜。($14)峰蝦：好大隻蝦呀!好彈牙同鮮甜，絕對推介 !! ($22)八爪魚芥辣：相當好味 ! 八爪魚極之彈牙，而且芥末份量適量，除了略咸外無可挑剔，但可以的話唔駛
好啦~~等左半個鐘，終於入得去，入面有大約10張4人枱，其餘係迴轉壽司，環境不覺逼，坐得都舒服，因為肚餓拿拿聲點菜，我地都算點得多壽司，不過我唔係碟碟都有份食，所以我只介紹我有份食那些，我地大約叫左20碟壽司左右，我記得價錢的都列了出來，可供參考。
峰玉子：喜出望外的壽司，大大舊甜蛋，輕軟又甜又彈牙，雖然飯得好少，但正正因為少先適合咁大舊蛋，而且只係14蚊2 舊，抵食!
北寄貝：比較遜色的一樣壽司，比較遜色，唔係話佢差，係相比其他更好味的壽司，顯得佢有點平凡，與一般其他連鎖食的分別不大，都叫鮮甜。($14)
峰蝦：好大隻蝦呀!好彈牙同鮮甜，絕對推介 !! ($22)
八爪魚芥辣：相當好味 ! 八爪魚極之彈牙，而且芥末份量適量，除了略咸外無可挑剔，但可以的話唔駛點豉油。
赤貝：都算OK甜，不過切得唔算好厚，咬落好似唔係好夠肉咁，不過18蚊2份，算係咁。
墨魚：十分清新，不點豉油、芥末更能食出鮮味，而且有咬勁，不錯! ($9)
八爪魚：我第一次食生的，八爪魚十分煙韌，要咀嚼一會才能吃下，但相當好味 ~ ($14)
總括而言係相當不錯，抵食，上菜又快，不過侍應無主動加水，要舉手先來，但都幾快，侍應面口都係木口木面，不過快手快腳，經理就笑容滿面~~~~
張貼
