Pati by Lassana (已結業)

返到分公司，個個都笑到神神秘秘咁，我張工作枱上有紮花，連埋一個紙袋。我旁邊嗰位女同事詩詩，立刻八婆仔上身同我一齊打開個袋睇下係乜！ 入面有個盒連張咭，佢寫住喺我男神，男神？ 你邊位？ 不過倒轉諗返我入公司時個個陰濕樣，擺明玩我！盒面寫咗字，我認得同樓下食堂賣歐陸三文治餐嘅Pati係同一集團，講開又講佢地嘅一人餐超好食。醒目嘅我就打開個盒分柑同味，軟淋淋芝士蛋糕有一層薄焦糖，芝士味道厚，食落濕濕地，焦糖特出嘅味道，你話似芝士蛋糕定係creme brulee？後尾詩詩爆響口，係樓下食堂魚湯大少送上嚟！