影片
更多
2013-03-20
807 瀏覽
十幾年老友敘舊晚飯,於是我提意去以前帮襯過既星級私房菜,打電話訂位時先知道已經搬左地址改名為名人私房菜,新舖有三房一廳,好有私人空間,我地一共十二人老闆娘留左間房俾我地,當我同佢講以前帮襯過舊舖,佢竟然搵到我張舊菜更主動帮我改左三道菜式,是晚用餐菜單如下。1:大白菜猪肺湯…冇味精既老火靚湯,煲此湯要花好多功夫,所以其它地方好難飲到。2:花雕蛋白蒸蟹…選用大大隻膏蟹,上檯時有撲鼻酒香,蛋白非常香滑,色香味具全,聽講係客人必點菜式。3:火焰蝦………好有特色,用玫瑰露酒将大大隻生猛海蝦係客人面前燒制而成,食落啖啖肉,爽口清甜。4:黄金炸猪手……皮脆肉腍,配上南乳醬,好惹味我鍾意。5:带子花枝片西蘭花…味道适中,不過不失。6:清蒸海斑……材料新鲜,火喉控制恰當,好難話唔好食。7:果皮蒸鮑魚……爽口彈牙,非常鲜甜。8:麻辣水煮牛肉…新鮮手切牛肉用冰镇豆腐及娃娃菜做配料,所有材料都索晒麻辣湯汁,口感非常刺激。9:糯米雞………将糯米塞入雞肚裡面焗制而成,雞汁全部滲入糯米饭度,好好味,招牌菜,必食。10:雪耳煲雪梨糖水…甜度適中,但火喉唔够,煲耐囗的會更好。食完之後成班朋友都話好味,好飽,好抵食,話我
1:大白菜猪肺湯…冇味精既老火靚湯,煲此湯要花好多功夫,所以其它地方好難飲到。
2:花雕蛋白蒸蟹…選用大大隻膏蟹,上檯時有撲鼻酒香,蛋白非常香滑,色香味具全,聽講係客人必點菜式。
3:火焰蝦………好有特色,用玫瑰露酒将大大隻生猛海蝦係客人面前燒制而成,食落啖啖肉,爽口清甜。
4:黄金炸猪手……皮脆肉腍,配上南乳醬,好惹味我鍾意。
5:带子花枝片西蘭花…味道适中,不過不失。
6:清蒸海斑……材料新鲜,火喉控制恰當,好難話唔好食。
7:果皮蒸鮑魚……爽口彈牙,非常鲜甜。
8:麻辣水煮牛肉…新鮮手切牛肉用冰镇豆腐及娃娃菜做配料,所有材料都索晒麻辣湯汁,口感非常刺激。
9:糯米雞………将糯米塞入雞肚裡面焗制而成,雞汁全部滲入糯米饭度,好好味,招牌菜,必食。
10:雪耳煲雪梨糖水…甜度適中,但火喉唔够,煲耐囗的會更好。
食完之後成班朋友都話好味,好飽,好抵食,話我冇介紹錯,約定下個月再黎食。
張貼