影片
更多
2020-07-28
771 瀏覽
間中會來馬鞍山，今日都係，食晏時間記起朋友介紹過呢間粥麵店，就特登喺地鐵站嗰邊行過嚟，大約要6-7分鐘。叫咗佢嘅金牌常餐「芝士汁撈一丁配豬扒」，包「脆豬包」同「火腿奄列蛋」，仲有一杯嘢飲，都係$45。今日好肚餓，諗住淨係出前一丁➕麵包唔夠飽，所以再叫多個「鮮鯇魚腩粥」$32😁「芝士汁撈一丁」好快嚟到，有大大塊豬扒，煎得好香，表面有少少脆，好入味，好食；出前一丁麵就鋪滿溶咗嘅芝士，好香好味。豬仔包外脆內軟，仲搽咗啲煉奶同牛油，香口美味；奄列裏面有唔少火腿。未食完呢個金牌常餐果碗魚腩粥又嚟埋，不過我已經飽啦😅咁都要食埋碗粥㗎🤣，魚腩粥裏邊原來有七、八件魚腩，我將部份魚腩夾咗落個碟度，真係有好多，魚腩好鮮味；粥底就好綿，正。魚腩粥份量真係好勁，食完飽到捧住個肚。仲有杯冰凍檸茶。呢餐食得超飽，真係街坊價錢，好味兼好抵食👍
叫咗佢嘅金牌常餐「芝士汁撈一丁配豬扒」，包「脆豬包」同「火腿奄列蛋」，仲有一杯嘢飲，都係$45。今日好肚餓，諗住淨係出前一丁➕麵包唔夠飽，所以再叫多個「鮮鯇魚腩粥」$32😁
「芝士汁撈一丁」好快嚟到，有大大塊豬扒，煎得好香，表面有少少脆，好入味，好食；出前一丁麵就鋪滿溶咗嘅芝士，好香好味。豬仔包外脆內軟，仲搽咗啲煉奶同牛油，香口美味；奄列裏面有唔少火腿。未食完呢個金牌常餐果碗魚腩粥又嚟埋，不過我已經飽啦😅
咁都要食埋碗粥㗎🤣，魚腩粥裏邊原來有七、八件魚腩，我將部份魚腩夾咗落個碟度，真係有好多，魚腩好鮮味；粥底就好綿，正。魚腩粥份量真係好勁，食完飽到捧住個肚。
仲有杯冰凍檸茶。呢餐食得超飽，真係街坊價錢，好味兼好抵食👍
張貼
