樂源車仔麵 (已結業)

有日我同個女去西貢玩, 經過西貢舊墟, 發現有間車仔麵, 係出面已經聞到好香架喇, 入到去裡面都幾乾淨。 佢地有個4餸餐, 包一個麵底4款餸, 都係26蚊, 重有一杯五花茶送,我地叫左2碗麵, 我果碗係蕃薯粉(好鬼好味架, 煙煙un un), 簡左豬紅/豬大腸/手打魚餅/菜, 我加左佢地d 麻辣汁, 嘩! 正到暈。我個女叫左油麵 (又唔係好油立立wor), 簡左司華力腸/冬姑/魚蛋/蘿蔔, 佢加左d沙爹汁, d冬姑重好食過酒樓果d蚊冬姑, 真係估佢唔到。整體都食得好開心, 因為冇諗過會咁好味, 個湯底真係幾香幾濃味, 又唔勁味精。重有呀, 我冇要佢地杯五花茶, 加左4蚊飲左凍奶茶, 又再又另一個驚喜, 因為冇諗過佢地杯茶都幾香幾滑, 係可惜冇熱奶茶, 只有凍囉。幾好幾好