樂天客棧 (已結業)

去到奧海城，第一次食呢間，叫左喇沙海鮮米線，兩個人分，入邊好多餸，有蝦、蟹柳、豆卜、魚仲有糖心蛋。特別要讚蝦同糖心蛋，兩隻蝦蝦都好新鮮，又爽口彈牙，唔似出邊食嗰啲梅梅地咁，個糖心蛋超級流心，咬左一半啲蛋黃流晒出嚟。喇沙湯底都好入味，配埋米線食一流。再叫左個黃金蝦，一樣啲蝦好爽口彈牙。外邊嘅咸蛋黃好香，送飯一流！不過有啲後悔冇試佢個芥末黃金蝦，好似好特別咁。朋友叫左個招牌扣肉包。佢話扣肉唔太油唔太肥，好入味，而且好香口。加埋菜同廿芫茜中和和肉感同罪惡感，最重要係芫茜陣味，隻香味令到個包好好食！不過記得2塊菜要夾住扣肉，先比個包夾住，侍應哥哥話咁樣先最可以中和油膩感同最好味！菜香鐵板豆腐，好特別！係出面少見！豆腐超滑，滑到好似玉子豆腐，而外面啲菜、菇略咸，因為佢係用黎撈飯食！不過呢個值得一試！最後叫左個老鼠粉煲。一黎到有咸魚係中間，撈混後好香咸魚味！其實口感似狗仔粉，不過呢個加左酸汁，食落酸酸地，好特別。見議唔中意食酸者同侍應講聲落少啲酸汁。（不過如果你當佢狗仔粉黎食，你不如直接食狗仔粉好過）同樣，蝦係勁爽勁彈，真係超中意佢啲蝦！最後叫左三色桂花班蘭糕。三種糕combine埋做一舊，由椰味