䊾宅韓國燒烤．料理 (已結業)

lunch食飯唔想同人逼？好快諗起呢間~~~話說呢度前一手都係食韓國野的，新開咁岩都係食韓國野~~~ 呢個位置一向lunch都唔算多人，唔使同人逼~~~ 一入去，餐廳無以前咁暗，服務員好有禮貌咁serve你~~~ 食物方面，lunch的選擇都不外乎鐵板，石鍋飯，炒年糕等~~~ 我好鐘意食石鍋飯，叫左牛肉口味~~~ 之後就有人送小菜~~~ 當中，蓮"牛"好好食，好爽，甜甜地~~~ 牙菜有dd鹹味及麻油，幾香~~~ 泡菜無得添，辣之餘帶有dd甜味~~~ 等左10 分鐘左右主菜先到~~~ 二話不說倒哂d 辣醬入d飯到， 食落係~~~ d飯偏淋。。。影響口感~~~ 牛肉有幾片好肥~~~其他配菜份量都幾多~~~ 邊食d飯唔會邊變焦~~~ 我唔係特別鐘意飯焦所以無咩所謂~~~ 食完好飽~~~個湯唔熱，只係暖~~~ 比錢果時見到有韓國香口膠同飯焦糖~~~ 總括，味道幾好，服務又好~~~ 會encore的~