悠蔬食 (渣甸中心) (已結業)

又一個加班既晚上，本身約咗個朋友食飯都差啲遲到，掛住做都無晒胃口，即刻想食啲健康既嘢平衡翻。好彩個朋友都係素食者，佢揾咗呢間銅鑼灣嘅上樓素食餐廳。我地主要嗌咗個蜜汁脆鱔、黑松露薯蓉焗大啡菇同埋焗千層麵。初時聽倒蜜汁脆鱔就好好奇，心諗究竟會用咩素食黎煮，點知等一陣就到咗，誰不知已經即時有股香味湧上黎，大廚用咗菇類去做鱔，成個菜好有質感同咬口，食落完全好似真係食緊鱔咁。大廚用蜜汁緊扣住菇類，而且菇類偏硬身，配合猛火快炒既烹調技巧，食落甜甜地，好好味。再黎個焗大啡菇先係重點，大啡菇真係手掌咁大，總共有三個，都幾飽肚㗎。黑松露個味係高温烤焗既情況下，味道都好出，而且伴住薯蓉食，感覺好新鮮。