影片
更多
2021-02-13
521 瀏覽
最近公司附近開咗間新餐廳，有同事盛讚，所以就去試下。間鋪明顯係開張不久，門口d餐牌有d臨時既感覺。但一入門口對到正係櫃檯連同L字型一大幅牆都是放滿書既書架，好似係第一次見到有咁多真書做擺設的店鋪，好誇張。🙀雖然係點心店，Menu絕大部份都是粵式點心同中菜菜式，但個setting同運作風格完全走西餐廳路線，waiters手勢純熟，明顯訓練有素。我問關於set menu，居然仲會痞低來細心講解，動作自然，很有高級西餐廳feel👍🏻👍🏻👍🏻結果我點咗個$188 set menu再加其他嘢同朋友share。有d似西餐tasting menu咁每款少少，份量比想像中多，結果是要打包帶走😂😂抵唔抵食真係見人見智，始終百幾蚊食個午餐唔係個個覺得ok。不過個人覺得整個體驗很優質、食物質素好高，唔會俾高級中餐廳差。而且set menu上發現原來d茶係「英記茶莊」既茶，真係算落本。不過比較在意係西式茶杯始終杯口闊，茶涼得比較快，唔太好意思不斷叫waiter哥哥添茶換茶。🙈 講返d食物，真係幾得！和牛燒賣塊和牛好得！大片、有牛味但軟熟無渣，d和牛油份再口裡的滋味真好🤤 大力推薦👍🏻👍🏻👍🏻松露菌腐皮卷炸得很
但一入門口對到正係櫃檯連同L字型一大幅牆都是放滿書既書架，好似係第一次見到有咁多真書做擺設的店鋪，好誇張。🙀
雖然係點心店，Menu絕大部份都是粵式點心同中菜菜式，但個setting同運作風格完全走西餐廳路線，waiters手勢純熟，明顯訓練有素。我問關於set menu，居然仲會痞低來細心講解，動作自然，很有高級西餐廳feel👍🏻👍🏻👍🏻
結果我點咗個$188 set menu再加其他嘢同朋友share。有d似西餐tasting menu咁每款少少，份量比想像中多，結果是要打包帶走😂😂
抵唔抵食真係見人見智，始終百幾蚊食個午餐唔係個個覺得ok。不過個人覺得整個體驗很優質、食物質素好高，唔會俾高級中餐廳差。而且set menu上發現原來d茶係「英記茶莊」既茶，真係算落本。
不過比較在意係西式茶杯始終杯口闊，茶涼得比較快，唔太好意思不斷叫waiter哥哥添茶換茶。🙈
講返d食物，真係幾得！
和牛燒賣塊和牛好得！大片、有牛味但軟熟無渣，d和牛油份再口裡的滋味真好🤤 大力推薦👍🏻👍🏻👍🏻
松露菌腐皮卷炸得很香脆但又唔油膩，松露菌的味道好香。
蝦餃都係上乘的品質，很鮮美、皮薄晶瑩。
自選方面選咗菜心，這個我覺得好油膩... 不過其實人家寫明是「豬油渣蝦乾炒菜心」，油膩係常識吧🤣。
主食就選咗「老乾媽肉碎炒飯」，炒得好靚、飯粒分明、一d都唔油，但我真係好飽食唔落，已經一心打包了。因為我更期待甜品「燙金綠茶流沙包」，結果無令我失望！係以前某店食過但後來off咗menu無得再食既綠茶流沙包！裡面真係流心既，超好味道！😋😍🥰
其他散叫咗豬潤燒賣同一碟蝦籽豆腐，蝦籽豆腐喜出望外地鋪滿蝦籽勁香，豆腐都好滑。其實試完呢碟豆腐同碟炒飯之後我覺得呢度d小菜都不比點心遜色，下次會考慮試其他。
我唔食豬潤，但朋友就盛讚豬潤燒賣超好味道，話唔知幾耐無食過咁好味既豬潤，話而家好少地方有賣了（我唔知係真唔係，因為從來唔留意豬潤😆）。佢話淨係為咗豬潤都一定要再來，不過我結果都係一淡都唔願意試🤣🤣🙈
見到隔離檯點咗客「西班牙紅蝦炒麵」，個煎麵底睇落好香脆又唔油、紅蝦醬汁勁香，不過成$288，真係要等人多d先捨得叫來share...
Anyway，整體感受很好，會encore。
和牛燒賣同綠茶流沙包係我必食！
15 瀏覽
0 讚好
0 留言
和牛燒賣
17 瀏覽
0 讚好
0 留言
13 瀏覽
0 讚好
0 留言
燙金綠茶y
13 瀏覽
0 讚好
0 留言
豬潤燒賣
13 瀏覽
0 讚好
0 留言
蝦籽扒山水豆腐
9 瀏覽
0 讚好
0 留言
張貼
