泰屋

營業中

休息中

呢一間喺旺角嘅泰國菜餐廳 我朋友去過話好好食 好正宗 所以今晚就同老公嚟 好近地鐵站都好易搵 入到裝修真係好似去咗泰國咁 好有泰式風味 座位好多都唔使等位 食物款式好多 佢有幾樣推介 例如係泰式炒蟹 爐邊魚 炒粉麵 咖哩咁 我都好想試 我老公鍾意食個金邊粉就嗌咗個pad thai畀佢 乾炒泰式蛋包金邊粉 賣相好精緻 外面有一層薄薄嘅雞蛋包住金邊粉 好足料 青咖哩豬肉片味道好香 我不嬲都好鍾意食青咖哩 呢度做得唔辣 好酸甜 配上油飯 撈汁真係好好餸飯 印度油酥餅熱辣辣好煙韌 配上青咖哩減啲汁嚟食 都好正 同老公梗係食好啲啦 我哋最鍾意呢度嘅主菜 就係呢個泰式青檸鮮魚爐 我哋揀咗鱸魚 成條魚上 熱辣辣 配上秘製嘅泰式醬汁 酸酸甜甜咁 啖啖肉好正 而且啱曬冬天食 熱辣辣 老公鍾意飲奶茶點咗個 泰式熱奶茶 香料味道好重又好滑溜 而且一啲都唔甜 呢度嘅嘢食好有質素 坐得又舒服 今晚食得好開心