影片
更多
2023-08-07
492 瀏覽
收工有時都會去樂富街市掃吓平菜咁，今日無意中喺角落位發現咗呢間新派既燒味店。玻璃櫃陳列咗燒豬手，燒春雞，燒豬肋骨，烤豬頸肉，燒雞脾等等，非常吸睛，燒烤香味撲鼻而來，完全係視覺味覺上既享受。見有啲人排隊，不過都清得好快。今晚唔想煮飯，於是買咗一個招牌燒豬手飯，一個燒春雞飯試吓，各35蚊，可以揀飯汁，另外加多隻香嫩燒雞脾。返到屋企打開個飯盒真係嘩一聲，燒豬手同燒春雞份量都好多，燒豬手外皮脆，肉質嫩，燒豬手好多時都驚會太醎，呢個唔會，入味得黎又唔會死醎。燒春雞都好正，雞皮唔會好油，雞肉好嫩滑，唔乾身。隻燒雞脾都好大隻，啖啖肉，辣辣哋，正！第一次試呢間燒味店好有驚喜，新鮮出爐熱辣辣，好味又抵食。下次多人聚餐真係要試吓佢個原隻燒豬手同燒春雞，價錢都好抵
見有啲人排隊，不過都清得好快。今晚唔想煮飯，於是買咗一個招牌燒豬手飯，一個燒春雞飯試吓，各35蚊，可以揀飯汁，另外加多隻香嫩燒雞脾。
返到屋企打開個飯盒真係嘩一聲，燒豬手同燒春雞份量都好多，燒豬手外皮脆，肉質嫩，燒豬手好多時都驚會太醎，呢個唔會，入味得黎又唔會死醎。燒春雞都好正，雞皮唔會好油，雞肉好嫩滑，唔乾身。隻燒雞脾都好大隻，啖啖肉，辣辣哋，正！
第一次試呢間燒味店好有驚喜，新鮮出爐熱辣辣，好味又抵食。下次多人聚餐真係要試吓佢個原隻燒豬手同燒春雞，價錢都好抵
張貼