萬家美食(馬來豬扒專門店)

營業中

休息中

呢日嚟到富寧花園附近，朋友介紹左一間將軍澳街坊豬扒專門店，舖頭細細，大約有10個位，lunch都幾full。我叫咗一個招牌豬扒蛋米線，唔使5分鐘就上枱，但豬扒都係新鮮熱辣炸起，咬落稔滑juicy, 稍為多油。調味偏甜，亦有好香咖喱同其他香料嘅味，整體都幾好食。豬扒有成個碗咁大塊，如果可以碎上就更加好啦。雞蛋熟左少少，如果係燶邊太陽蛋就更加正😆 $35我覺得算幾抵食，見到佢其他飯餐都係$42左右，價錢合理，希望下次可以試吓。