松屋日本料理 (已結業)

好耐無食過日式放題，松屋可以任飲任食收費 $148，算係平，估唔到重好好味tim。剌身選擇不多，但新鮮好味又份量十足。三文魚好肥美，馬刀貝鮮味。串燒和炸物選擇多又好好味。最正係牛肉粒、雞翼、芝麻雞翼、蝦、雞脾茹、翠玉瓜、雞肉和秋刀魚，一定要食。飲品選擇也多，我最開心係有四款雪糕任食，菠蘿味有菠蘿粒好正，我encore左好多次。食物質素高之外，店員效率好高，我地密密食唔停口，個個都食得好滿足。