唐記包點 (港鐵觀塘站)

營業中

休息中

今日落雨，買外賣返屋企食。 經過地鐵站見到「唐記」， 記得網上見過話佢好抵食， 就喺度買啲嘢返屋企做晚餐。首先揀咗個 《菜肉包》。呢個簡直是意外驚喜！仔仔好鍾意食， 話勁好味，唔洗5分鐘食曬成嘅包！《香芋包》個包熱辣辣特別好味。芋頭蓉很香很滑唔會太甜，推薦！《山竹牛肉》好大粒，亦足料，啖啖肉，好正！《燒賣》味道不錯，豬肉份量很多，不錯吃！《馬拉羔》蛋糕質地軟熟，很香黑糖味，不太甜，good!《足料糯米雞》食埋哩個真係好飽飽！因為真係好足料！裡面有臘腸，雞翼，叉燒，鹹蛋黃，冬菇，肉碎。味道十分豐富，食完好滿足！買左咁多野都係80蚊左右，真係好味又抵食！下次一定會再幫襯！