影片
更多
2019-11-30
101 瀏覽
亞萊嘜嘜 #荃灣好耐之前已經聽過呢一間泰國餐館，雖然本店係元朗嗰間，但咁啱係荃灣見到，所以決定試一試！果然冇失望！嗰日晏晝去所以食咗佢嘅午市套餐。無骨海南雞拼豬手飯$58 $58來講份量都算幾大，而且海南雞的確幾滑，不過略嫌佢豬手未算最淋，但係整體調味都唔錯。而且仲有兩隻醬料提供，分別係泰式酸辣醬同埋一隻酸酸地有啲檸檬皮係入面嘅汁。另外佢嘅飯並唔係一般嘅油飯，而係黃姜飯，有淡淡嘅姜味，無油飯咁油，都唔錯。黃咖哩牛脷飯 $50咖哩份量同樣好多，而且製作都好認真，入面除咗有牛脷之外仲有薯仔蕃茄洋蔥同埋青椒，全部配料都有炒香。不過如果薯仔可以細粒啲人啲咖喱味更加入到去就好，而家雖然薯仔都已經煮到好粉，但係入面就冇乜味。另外啲牛脷係粒切，每一舊都幾大，所以咬落去都好滿足，不過就唔係超級淋嗰隻，而係有少少咬口。另外加咗$10要杯紅豆沙冰同埋$12 芒果沙冰。紅豆沙冰就真係麻麻，啲紅豆係一粒粒仲好硬，成杯野都淡茂茂。不過芒果沙冰就唔錯，好香芒果味，似係芒果乾嗰一隻味，整體來講其實都幾抵食，而且味道都唔錯！味道:4.1/5性價比: 4.2/5
好耐之前已經聽過呢一間泰國餐館，雖然本店係元朗嗰間，但咁啱係荃灣見到，所以決定試一試！果然冇失望！嗰日晏晝去所以食咗佢嘅午市套餐。
無骨海南雞拼豬手飯$58
$58來講份量都算幾大，而且海南雞的確幾滑，不過略嫌佢豬手未算最淋，但係整體調味都唔錯。而且仲有兩隻醬料提供，分別係泰式酸辣醬同埋一隻酸酸地有啲檸檬皮係入面嘅汁。
另外佢嘅飯並唔係一般嘅油飯，而係黃姜飯，有淡淡嘅姜味，無油飯咁油，都唔錯。
黃咖哩牛脷飯 $50
咖哩份量同樣好多，而且製作都好認真，入面除咗有牛脷之外仲有薯仔蕃茄洋蔥同埋青椒，全部配料都有炒香。不過如果薯仔可以細粒啲人啲咖喱味更加入到去就好，而家雖然薯仔都已經煮到好粉，但係入面就冇乜味。
另外啲牛脷係粒切，每一舊都幾大，所以咬落去都好滿足，不過就唔係超級淋嗰隻，而係有少少咬口。
另外加咗$10要杯紅豆沙冰同埋$12 芒果沙冰。紅豆沙冰就真係麻麻，啲紅豆係一粒粒仲好硬，成杯野都淡茂茂。不過芒果沙冰就唔錯，好香芒果味，似係芒果乾嗰一隻味，
整體來講其實都幾抵食，而且味道都唔錯！
味道:4.1/5
性價比: 4.2/5
無骨海南雞拼豬手飯
$58
12 瀏覽
0 讚好
0 留言
黃咖哩牛脷飯
$50
24 瀏覽
0 讚好
0 留言
張貼
