火五越式牛肉粉專門店 (清風街) (已結業)

接朋友放工係天后簡單食個飯，就去左清風街；見到招牌寫住PHO, 門口又好多人等外賣就揀左去食越南餐。諗唔到食咩餸好既時候，朋友話share 個大碗火車頭，貪佢有齊四款餸；黎到真係幾大碗，鐘意佢多洋蔥🧅多芽菜，揀既蒙粉都好幼細，試晒四款餸真係好過癮。蝦春卷夾西生菜入面全部都係蝦，皮簿脆卜卜，夾菜包住健康。超級多蒜茸既牛油雞翼好正，大大隻好香口。再叫埋個三文魚米紙卷飽晒，入面餸料多到掉出黎，又青瓜又蘿蔔絲又生菜🥬蒙粉仲可以點酸汁開胃又滿足。